2024 жылдың 12 маусымында Алматы қаласындағы 28 гвардияшы-панфиловшылар саябағында «Арыстан» мамандандырылған лицейінің «NNEF» қоғамдық қорының филиалы» 11-сынып лицей оқушыларының 12-ші салтанатты бітіру кеші өтті.
Биыл лицейді 80 оқушы бітірді, оның ішінде 6 лицейіст - арнайы аттестатпен, 7 лицейіст - Президенттік, Республикалық пәндік олимпиадаларға қатысушы, сонымен қатар ғылыми жоба байқауларының жеңімпаздары. Түлектерге сертификаттар, «Лицей түлегі» төсбелгілері, сондай-ақ естелік сыйлықтар табыс етілді. 13 жылдық тарихында Арыстан қабырғасында 900-ден астам лицей оқушылары білім алды. Мектеп Қазақстан Республикасының Ұлттық ғылым академиясының академигі, педагогика ғылымдарының докторы Динара Құлыбаеваның жетекшілігімен және «NNEF» қоғамдық қорының демеушілігімен ашылды. ҰБТ-да бітіруші лицейістердің орташа баллы 98 баллды құрады. Жыл сайын балалар түрлі деңгейдегі пәндік олимпиадалар мен ғылыми жобалар байқауларына қатысып, жүлделі орындарды иеленеді. Бүгінде «Арыстан» мамандандырылған лицейі – әскери бағытты ұстанып, талай дарынды жас жігіттерді баурап алатын мекеме. Онда Қазақстанның барлық аймақтарынан 9-11 сынып аралығында 240 жас білім алуда. Үздіктердің үздігі өтініш береді, конкурс бір орынға 12-15 адам. Маңызды шарттардың бірі – «NNEF» қоғамдық қоры есебінен лицейде балаларға тегін білім беру. Шараға «Арыстан» мамандандырылған лицейінің, Қазақстан Республикасы Қорғаныс министрлігінің, «NNEF» қоғамдық қорының, «Халық» қайырымдылық қорының өкілдері, мектеп бітіруші түлектер мен оқушылар, сондай-ақ олардың ата-аналары қатысты.
